Soňky habar

Sahra Ghulam Nabi

Taýýarlan Sahra Ghulam Nabi

Noýabr 27, 2017
Azatlygyň habarçysyna soňky iki hepdede ikinji gezek hüjüm edildi

Azatlyk Radiosynyň Türkmenistandaky habarçysy Soltan Açylowa ýene-de näbelli adamlar tarapyndan hüjüm edildi.
Noýabr 24, 2017
Türkmenistan boş duran desgalarynyň üstüne ‘ýene birini goşýar’

Türkmenistanda sosial-durmuş maksatly desgalaryň, şol sanda mekdepleriň, çagalar baglarynyň ýetmezçilik edýändigi barada ýygy-ýygydan maglumatlar gelip gowuşýan mahaly türkmen häkimiýetleri ýene bir döwrebap myhmanhanany gurmak barada halkara tender bäsdeşligini yglan etdiler.
Noýabr 23, 2017
Türkmenistan: Daşary ýurt diplomyny ykrar etdirenler işe ýerleşmekde kynçylyk çekýär

Türkmenistanda daşary ýurtlaryň ýokary okuw jaýlaryny tamamlan ýaşlaryň köpüsiniň öz diplomlaryny tassykladansoň, işe ýerleşmekde kynçylyk çekýändigi barada habar berilýär.
Noýabr 21, 2017
‘Türkmennebit’ $8,5 million bergisini indi dört ýyl bäri 'tölemeýär'

Türkmenistanyň “Türkmennebit” döwlet konserni özüniň nebit-gaz pudagyna satyn alan enjamlary üçin 8,5 million amerikan dollaryndan gowrak bergisini indi 4 ýyl bäri tölemän gelýär diýip, “Türkmenistandan alternatiw habarlar” neşiri ýazýar.
Noýabr 21, 2017
Türkmenistanda Coca-Cola önümleri gytalýar we gymmatlaýar

Şu günler Türkmenistanda, hususan-da, Aşgabatda Coca-Cola kompaniýasynyň önümleriniň diňe seýrek söwda nokatlarynda tapdyrýandygy we olaryň bahasynyň tas iki esse gymmatlandygy barada habar berilýär.
Noýabr 20, 2017
Aşgabadyň awtobuslaryndaky kartly töleg düzgüni welaýatlylary kyn güne salýar

Aşgabadyň jemgyýetçilik transport serişdelerinde täze girizilen kartly töleg düzgüniniň, welaýatlardan paýtagta sapar edýän türkmenistanlylar üçin kynçylyk döredýändigi habar berilýär.
Noýabr 20, 2017
Aşgabat: Ýarym ýerzeminlerdäki dükanlaryň tölegleri telim esse ýokarlandyryldy

Türkmen häkimiýetleri şahsy söwdagärlere kärendesine berilýän dükanlaryň aýlyk kärende we beýleki goşmaça töleglerini telim esse ýokarlandyrdylar.
Noýabr 17, 2017
Berdimuhamedow Interneti ösdürmek boýunça ýörite maksatnamany taýýarlamagy tabşyrdy

Türkmenistanyň prezidenti Gurbanguly Berdimuhamedow Ministrler Kabinetiniň başlygynyň orunbasarlaryna, Mejlise we Ylymlar akademiýasyna ýurtda Internet we elektron ulgamlaryny ösdürmek boýunça ýörite maksatnamany taýýarlamagy tabşyrdy.
Noýabr 17, 2017
Türkmenistan: Pensiýa ýaşyna ýeten býujet işgärlerini işden boşatmak teklip edilýär

Türkmenistanyň bilim, saglygy saklaýyş we medeniýet pudakalaryndaky edara-kärhanalara pensiýa ýaşyna ýeten işgärleri işden boşatmak hakynda görkezme berýän teklip hatlary ugradylyp başlandy.
Noýabr 16, 2017
Daşary ýurtlardaky kollejlerde okaýan türkmen studentlerine pul ibermek gadagan edildi

Türkmenistanda 1-nji noýabrdan başlap, raýatlaryň daşary ýurtlaryň kollejlerinde, ýagny hünär mekdeplerinde okaýan çagalaryna “Western Union” we “Money Gram” arkaly pul ibermegine gadagançylyk girizildi.
Noýabr 16, 2017
Köýtendagda býujet işgärleri we mekdep okuwçylary pagta ýygmaga mejbur edilýär

Lebap welaýatynyň Köýtendag etrabyndaky döwlete degişli edara-kärhanalarda işleýän işgärleriň we mekdep okuwçylarynyň tas ählisiniň diýen ýaly, pagta ýygymyna mejbury çekilýändigini, bu etrabyň käbir ýaşaýjylary habar berýärler.
Noýabr 15, 2017
Balkanabadyň iň uly bazarlarynyň biri alty aý bäri ýapyk bolmagynda galýar

Türkmenistanyň Balkanabat şäherindäki iň uly bazarlaryň biriniň eýesi tussag edilensoň, bu bazar indi alty aý çemesi wagt bäri ýapyk bolmagynda galýar.
Noýabr 15, 2017
MTS Türkmenistandaky hyzmatlarynyň ýatyrylmagy netijesinde $18,3 million ‘zyýan çekdi’

Russiýanyň MTS kompaniýasy özüniň Türkmenistandaky mobil aragatnaşyk hyzmatlaryny bes etmegi bilen bu ýurtdaky aktiwleriniň hümmetiniň gaçmagy sebäpli çeken zyýanyny kesgitläp, munuň 2017-nji ýylyň üçünji çärýeginde 1,1 milliard rubl, ýagny 18,3 million amerikan dollary möçberinde bolandygyny aýtdy diýip, “Interfaks” neşiri kompaniýanyň prezidenti Andreý Dubowskowa salgylanyp habar berýär.
Noýabr 14, 2017
Türkmenistanda pensiýalar, kömek pullary bank kartlaryna geçiriler

Türkmenistanyň Sosial üpjünçilik edarasy pensionerleri, mümkinçiligi çäkli adamlary we kömek pullaryny alýan raýatlary tölegleri almak üçin ýörite bank hasaplaryny açmaga borçly etdi.
Noýabr 14, 2017
Türkmenistan: Nebit-gaz we suw hojalygy pudaklarynda iş orunlary kemeldilýär

10-njy noýabrda Türkmenistanyň oba we suw hojalyk ministrligi tarapyndan etrap suw dolandyryş edaralaryna işgärleriň sanyny düýpli kemeltmek barada görkezme ýaýradyldy diýip, “Hronika Türkmenistan” neşiri habar berýär.
Noýabr 13, 2017
Türkmenistan: Welaýatlaryň arasyndaky barlag nokatlarynda howpsuzlyk güýçlendirildi

Türkmenistanda welaýatlaryň özara serhetleşýän ýerlerindäki we beýleki sebitlerindäki barlag nokatlarynda howpsuzlyk çäreleriniň we barlaglaryň güýçlendirilendigi barada habar berilýär.
Noýabr 13, 2017
Türkmenistan: Çagasy bolan býujet işgärlerine basyşlar dowam edýär

Türkmenistanda döwlet edara-kärhanalarynda işleýän işgärlere çagalaryny çagalar bagyna öwürmek barada basyşlaryň dowam edýändigi habar berilýär. Bu waka geçen aý türkmen häkimiýetleriniň çagalar baglarynyň töleglerini 10 esse gymmatlatmagy bilen ene-atalaryň köpüsiniň çagasyny öýünde alyp galýandygy barada maglumatlaryň ýaýran döwrüne gabat geldi.
Noýabr 10, 2017
Türkmenistan: Býujet işgärlerinden çagalaryny çagalar bagyna öwürmegi talap edýärler

Türkmenistanyň Balkanabat şäheriniň döwlet edara-kärhanalarynda işleýän işgärlerden, öz çagalaryny çagalar bagyna bermek talap edilýär. Muny berjaý etmedik býujet işgärlerine işden çykarylmak haýbaty atylýar diýip, “Hronika Türkmenistan” neşiri habar berýär.
Noýabr 09, 2017
Balkanabat: Täze awtobus gatnawlary ilatyň talabyny 'doly ödemeýär'

1-nji noýabrdan başlap Türkmenistanyň Balkanabat şäherinde täze awtobus gatnawlarynyň ýola goýulandygy, emma bularyň ýolagçylaryň talabyny doly kanagatlandyrmaýandygy barada Azatlyk Radiosyna maglumatlar gelip gowuşýar.
Noýabr 09, 2017
Türkmenistan: VISA kart ulanyjylaryna SMS arkaly duýduryş berilýär

Şu günler Türkmenistanda VISA we MasterCard ulanyjylarynyň mobil telefonlaryna öz bank kartlaryny başga hiç kime bermezlik barada, SMS hatlary ugradylýar diýip, “Türkmenistandan alternatiw habarlar” neşiri ýazýar.

Ýene-de ýükle

XS

SM

MD

LG